Tesla ordua, 42 irratsaioa

MladicEgunon Balkanetako basotxook!!

Gaur, Ratko Mladići buruz hitz egin dugu. Jakin duzuen moduan, asteazken honetan Mladići bizi osorako zigorra jarri dio Hagako Jugoslavia Ohirako Nazioarteko Zigor-Epaitegiak, “genozidioa” eta “garbiketa etnikoa” egotzita, batez ere Srebrenicako hilketak agintzea leporatzen diote.

Sententzia honen zergatiak eta kausak aztertzen saiatu gara, baita ere Srebrenicaz eman izan ohi diren zenbakiak, eta Hagako sententziaren eta sententziaz egiten diren prentsa-komentarioen atzean dagoen ideologia. Bosniako Gudaren arrazoiak eta eboluzioa ere aztertu dugu.

Bukaerako minutuan, Balkanetako egunekoari errepasoa eman diogu, Esloveniako lehendakaritzarako hauteskundeei batez ere. Bestetik Mazedonian Eliza Ortodoxoak eman duen azken pausua ere komentatu dugu.

Hona irratsaioaren podcasta:

 

Advertisements

Tesla Ordua, 41 irratsaioa.

Gabon Bosniako mendilerrook!!tesla-ordua

Irratsaio honetan, Bosniako errefuxiatu serbiar bat elkarrizketatu dugu gurean- Mihailo Ristić du izena, Tuzlan (Bosniako Federazioa, Bosnia) jaio zen eta Bijeljinan (Republika Srpska, Bosnia) bizi da egun. Elkarrizketa gaztelaniaz izan da.

Hemos entrevistado a Mihailo Ristić, refugiado serbobosnio nacido en Tuzla (Federación de Bosnia, Bosnia), que pasó su infancia y parte de su adolescencia en Igualada (Cataluña) y actualmente vive en Bijeljina (Republika Srpska, Bosnia). Mihailo no ha hablado de su infancia, de sus procesos de integración, de la vida actual en Republika Srpska y Bosnia, y la sensación de ser un refugiado “no visible”, esto es, un refugiado serbobosnio, un grupo que la mayoría de la población desconoce incluso que tuvo refugiados. Ristić también nos ha hablado de su visión de la sociedad actual serbia y bosnia, tanto en torno a la economía,como al nacionalismo, como a la política.

Podéis escucharlo aquí. Disfrutad:

 

Tesla ordua 40. irratsaioa

Egunon Adriatikoko olatutxook!

Irratsaio honetan Balkaniako berriak soilik izan ditugu hizpide. Ia-ia herrialde guztiak ikuttu ditugu gaurkoan. Udal hauteskundeekin hasi gara, Kosovon eta Mazedonian Udal hauteskundeak izan baitira. Kosovon, oposizioko Kosovoko Liga Demokratikoa izan da nagusi, eta Mazedonian ordea Gobernuko Mazedoniako Alderdi Sozialdemokrata. Bietan ustelkeria salaketak izan dira, eta beraz, horri heldu diogu. Ondoren, Kroaziara egin dugu salto eta hango Agrokor konpainiarekin gertatutakoari errepaso bat eman diogu. Agrokor, Balkanetako erraldoi bat dena, ustelkeria kasuetan harrapatua izan da, honek Kroaziako eta Balkanetako beste Gobernu batzuk (Agrokorrek milaka langile zituen Balkanetako hainbat herrialdeetan) zipriztindu dituelarik.

Kataluniako arazoak oraindik hautsa dakar Balkanetan, batez ere Bosnia-Herzegovinan. Republika Srpskako lehen ministro Zeljka Cvijanovici Kataluniako independentzia babestea leporatu baitiote, berak adierazpen horiek egin izana ukatu duelarik. Bosnia Herzegovinak Espainiaren batasunaren aldeko posizioa hartu du, eta bestetik Republika Srpska independentzia saiakeretan dabil, beraz Cvijanovicen adierazpenak benetakoak edo gezurretakoak ote direnaren auziak badu bere garrantzia.

Eslovenian laster, lehendakaritzarako hauteskundeen bigarren itzulia egingo da. Eta Serbian bukatu dugu, han Hagan zigorra bete duen Vladimir Lazarevicen inguruan polemika sortu baitu AEBtako enbaxadak- Serbiako lehen ministro Ana Brnabicek era Haga gaztigatu du honen lerrokatze politikoa dela eta.. Bestetik Oleksandr Aleksandrovitx ukrainar enbaxadoreak oso hitz gogorrak erabili ditu serbiar kanpo politikaren kontra, eta hala hautsak harrotu dira.
Beste bat arte